أكيد سمعتوا بهيدي الحملة الإعلانية الغامضة "لبنان لا يريد الحرب". مين هودي، اللي عم يحكوا بإسم لبنان؟ مين قرّر شو بدّه، وشو ما بدّه لبنان، بعز دين حرب الإبـ ـادة على غزّة، والقصف الإجرامي على الجنوب والبقاع والضاحية؟ «ميتا» (يعني فايسبوك وانستغرام)، كشفت انو شركة مسجّلة بفيتنام، صارت دافعة مليون و200 ألف دولار على حملات موجهة للبنان والخليج وأوروبا وأميركا، بينها حملة "لبنان لا يريد الحرب"! طلع لبنان لا يريد "حرب فيتنام"! طيب والإعلانات اللي مكتسحة طرقات لبنان وساحاته؟ مين وراها؟ ومين كلّف شركة محليّة تعمل استطلاع نتيجته انو «88% من اللبنانيين لا يريدون الحرب»؟ شو هالسؤال الغبي أصلاً! يا عيني كل الشعب اللبناني لا يريد الحرب. في شعب بالدنيا يريد الحرب؟ العدو الإسرائيلي يريد الحرب! نحنا علينا نوقّفه!